tumahara naan kucch aise mere hoton per khilta hai,

andheri raat main jaise chand,

acchank kisi badal ke kone se jhhankta hai

aur saare manjaron main raushni faiel jati hai,

kali jaise oose ke katare pahan kar muskurati hai,

badalti rut kisi manus si aahat ki daali

thaam khamosh chalti hai,

tumahare naam ka taara, tumahare naam ki khushboo

meri sanson main ghulti hai.